2024 жылғы 20 мамырда Орталық мемлекеттік ғылыми-техникалық құжаттама архивінің дирекция отырысы өтті. Онда архивтің құжаттардың сақталуын қамтамасыз ету, құжаттарды пайдалану және оларды цифрлық форматқа көшіру сынды негізгі қызметі бойынша ағымдағы мәселелер қаралды. Толықтыру көздері болып табылатын ұйымдарының ведомстволық архивтерімен жұмыс жүргізу мәселесі де басымдыққа ие болды. Құрылымдық бөлімшелер басшылары жоспарлы жұмыстардың орындалу барысы туралы айтып, оларды шешу бойынша қосымша ұсыныстарын білдірді.
Архив директоры Баян Амантайқызы жұмыстың әр бағытына баса назар аударды, олардың орындалу ерекшеліктеріне тоқталды, өйткені архив қызметкерлерінің жұмысы байқалмаса да, еліміздің Ұлттық архив қорын толықтыру кезінде маңызды құрамдас бөлігі болып табылады.
Қарастырылған барлық мәселелер бойынша нақты шешімдер қабылданды.