«Архив – 2025» кешенді іс-шаралар жоспарын жүзеге асыру аясында Қазақстан тарихына қатысты шетелдік архивтер мен музейлерден құжаттарды анықтау бойынша Орталық мемлекеттік ғылыми-техникалық құжаттама архиві қызметкерлері 2024 жылы Самара қаласында жұмыс жүргізді.
2024 жылдың 22 мамыры мен 1 маусымы аралығында ОМҒТҚА қызметкерлері И.Ерғалиева мен С.Саблин Самара қаласындағы өнеркәсіп және құрылыс, көлік, байланыс және өнертабыс саласындағы ресейлік ғылым мен техниканың тарихы бойынша құжаттарды сақтайтын бірегей орталық болып табылатын Ресей мемлекеттік ғылыми-техникалық құжаттама архивінде анықтау жұмыстарын жүргізді.
Қаралған құжаттардың хронологиялық шеңбері XIX ғасырдың аяғынан ХХ ғасырдың ортасына дейін және олар негізінен машинкамен басылған түрде берілген. Бұл мысалы, сызбалар, ғылыми-техникалық есептер, патенттік құжаттама сынды ғылыми-техникалық құжаттаманың түрлері.