2024 жылдың 3 маусымында Орталық мемлекеттік ғылыми-техникалық құжаттама архивінде ұжымның жалпы жиналысы өтіп, онда архив қызметкерлері И.Ерғалиева мен С.Саблиннің ағымдағы жылдың 22 мамырынан 1 маусымына дейін «Архив 2025» мемлекеттік бағдарламасы бойынша Самара қаласындағы Ресей мемлекеттік ғылыми-техникалық құжаттама архивіне іссапары барысы туралы ақпарат тыңдалды.
Ерғалиева Инабат Қайратқызы архивтегі жұмыс барысымен таныстырып өтті, оның барысында Абай атындағы Қазақ педагогикалық институтының оқу ғимараттарының құрылысына, В.И. Ленин атындағы Қазақ политехникалық институты (қазіргі Қ.И. Сәтбаев атындағы Қазақ ұлттық ғылыми-зерттеу техникалық университеті), 1938 жылғы Алматыдағы Дене шынықтыру институты, сондай-ақ Қазақстан ғалымдарының патенттік құжаттары, типтік және тәжірибелік тұрғын үй құрылысы орталық ғылыми-зерттеу және жобалау институтының Алматы қаласындағы типтік тұрғын үйлердің жер сілкінісіне төзімді құрылысына қатысты ғылыми-техникалық жұмыстары, Қожа Ахмет Яссауи кесенесінің жағдайын зерттеу бойынша Орталық құрылыс ғылыми-зерттеу институтының құжаттары сынды Қазақстан тарихына қатысты құжаттар анықталды.
Анықталған құжаттар негізінде көшірмелер сатып алынып әкелінді, олар ғылыми-техникалық өңдеу жүргізгеннен және құжаттардың тізбесі дайындалғаннан кейін Қазақстан Республикасының Ұлттық архив қорына енгізілетін болады.