Қазақстан Республикасының мемлекеттік рәміздері қоғамның саяси мәдениетінің бір бөлігі болып табылады, рухани-идеялық-адамгершілік мәдениеттің дамуына және тәуелсіздік пен елдің бірегейлігі идеяларының жүзеге асуына ықпал етеді. Олар өз Отанына қызмет ету, халықтың тарихи тамыры мен дәстүрін қастерлеудің биік мұраттарын бейнелейді.
Бүгін Орталық мемлекеттік ғылыми-техникалық құжаттама архивінде еліміздің мемлекеттік әнұранын орындаумен басталған Қазақстан Республикасының Мемлекеттік рәміздері күніне арналған мерекелік шара өтті.
Құжаттардың сақталуын қамтамасыз ету және құжаттарға ҒАА бөлімінің басшысы К.Насырова құттықтау сөз сөйлеп, мерекенің маңыздылығына тоқталды: «Мемлекеттік рәміздерді қастерлеуде жас ұрпақты отансүйгіштікке тәрбиелеудің маңызы ерекше. Рәміздерді құрметтеу, маңызын біліп, жан-тәнімен қабылдау – отансүйгіштіктің белгісі. Әрбір қазақ азаматы Әнұранды жатқа біліп, Елтаңба тарихын ұғынып, Туымыздың мәңгілік көк аспан астында мақтанышпен желбіреуіне күш салса, бұл мемлекеттік рәміздерімізге деген құрметтің белгісі болар еді».
Барша отандастарымызды еліміздің Мемлекеттік рәміздері күнімен құттықтаймыз! Зор денсаулық, амандық пен жер бетінде бейбітшілік тілейміз!