25 қаңтарда Орталық мемлекеттік ғылыми-техникалық құжаттама архивінің бірінші директоры (1974–1984 жж.), Қазақстанның архив ісінің ардагері Павлина Васильевна Олейникованың туылған күні.
Павлина Васильевна 1927 ж. Сібірде туылған. 1944 ж. оның әкесін соғыстың алдында Сталинабад қ. (қазіргі – Душанбе қ.) жіберген орта мектебін үздік бітіріп, осында эвакуацияланған Одесса технология институтына оқуға түсті. Одесса қ. босатылғаннан кейін, институт ұжымы еліне оралды. Павлина Васильевна курстастарымен бірге осы қалаға кетті. Оқу кезінде оның туыстары Алматы қ. көшті. Сондай-ақ, 1947 ж. Павлина Васильевна анасының өтініші бойынша білімін аяқтамай Алматы қ. көшіп келді. Павлина Васильевна әскери қызметшімен тұрмыста болғандықтан жұмыс орындарын өзгертіп тұрды.
1957 ж. бастап ол Қазақ КСР Министрлер Кеңесі жанындағы Бас архив басқармасының қызметкері. 1963 ж. Павлина Васильевна С.М. Киров атындағы ҚазМУ тарих факультетін сырттай аяқтағаннан кейін әр жылдары Қазақ КСР ОМА бірқатар құрылымдық бөлімшелерінің басшысы болып жұмыс істеді.
1974 ж. 7 ақпанында Қазақ КСР Министрлер Кеңесінің қаулысымен Орталық мемлекеттік ғылыми-техникалық құжаттама архиві құрылды және осы архивтің директоры болып П.В. Олейникова тағайындалды. Ол осы лауазымды 10 жыл бойы атқарды.
2005 ж. П.В. Олейникованың (№ 154) жеке қор құжаттары ОМҒТҚА мемлекеттік сақтауға қабылданды.