Қазақстан Республикасы Мәдениет және ақпарат министрлігі Архив, құжаттама және кітап ісі комитетінің Орталық мемлекеттік ғылыми-техникалық құжаттама архивінің жұмыс тобы Грузияда Қазақстан тарихы қатысты құжаттар мен материалдар анықтау бойынша архивтерімен қатар кітапханаларында да жұмыс жүргізуде. Архившілер Грузия мемлекетінің астанасы Тбилиси қаласындағы И. Чавзавадзе атындағы Грузия Ұлттық парламенттік кітапxанасында болды. XIX ғасырдың ортасында генерал-губернатор басқармасынан бастау алған кітапхана қорының ауқымдылығы және құндылығы оның ғасырлар бойы жинақталған тарихында. 1957 жылы кітапхана халықаралық кітап алмасу желісіне қосылған. 1996 жылы 25 желтоқсанда кітапхана Грузия парламентінің әкімшілік бақылауына өтіп, Грузияның Ұлттық парламенттік кітапханасы деп аталған және грузин әдебиеті және қоғам қайраткері Илья Чавчавадзенің аты берілген.
Кітапхана қорларынан қазақстандық архившілер XI ғасырда грузин халқының селжұқтарға қарсы әлеуетті одақтас ретінде қарастырған қыпшақтармен байланыстары бойынша материалдар қарауда. Ал қыпшақ этникалық компоненті қазақ халқының қалыптасуының негізгі өзегін құрап, қыпшақ мемлекеттілігінің дәстүрлері Ақ Орда мен Қазақ хандығының құрылуы кезінде пайда болған қыпшақ тілі мен әдебиеті қазақ тілі мен әдебиетінің негізін құраған. Грузин жылнамаларына қарағанда, грузиндер қыпшақтардың жақсы жауынгерлік шеберлігін, олардың батылдығы мен адалдығын алға тартқан.