Қазақстан Республикасы Үкіметінің 2019 жылғы 20 желтоқсандағы №953 қаулысымен бекітілген «Архив-2025» кешенді бағдарламасын іске асыру бойынша Қазақстан Республикасы Мәдениет және ақпарат министрлігі архив, құжаттама және кітап ісі комитетінің Орталық мемлекеттік ғылыми-техникалық құжаттама архивінің қызметкерлері Әзербайжан архивтері, ғылыми орталықтары мен кітапханаларында құжаттар мен материалдар анықтау бойынша жұмысты бастады.
Қазақстандық делегацияны Әзербайжан Республикасы Ұлттық архив басқармасының басшысы Әскер Әділ оғлы Расулов құрметпен қарсы алып, архивтерде жұмыстары қызықты әрі нәтижелі болуына тілектестігін білдірді.
Сондай-ақ, архившілер Әзербайжан Республикасының Мемлекеттік ғылыми-техникалық құжаттама архивінде, Мемлекеттік дыбысжазбалар архиві мен Мемлекеттік архивінде болды. Олар үшін архив мекемелерінің басшылары экскурсия өткізіп, тарихы және қызметімен таныстырды.