Қазақ поэзиясының ақыны Қадыр Мырза Әлі ағамыздың «Нағыз қазақ – қазақ емес, нағыз қазақ домбыра» сөздері ұлтымыздың бойтұмары – қазақтың қара домбырасының қасиетін ашып тұрғандай.
Қазақстанда 2018 жылдан бері шілденің алғашқы жексенбісі Ұлттық домбыра күні ретінде аталып өтуде. Осы мерекеге орай Орталық мемлекеттік ғылыми-техникалық құжаттама архивінде шара өткізіліп, қазақ мәдениеті мен салт-дәстүрінің ажырамас бөлігі саналатын киелі аспаптың тарихы, оның жас ұрпақты ұлттық рухта тәрбиелеудегі маңыздылығы мен Қазақстанның мәдени мұрасындағы рөлі туралы айтылды.
Шара барысында архив қызметкерлерінің балалары ата-аналарын мерекемен құттықтап, өздерінің бейнеқұттықтауларын қазақтың күйрелін орындау арқылы жеткізді.
Барша қазақстандықтарды Ұлттық домбыра күнімен құттықтаймыз! Ұлттық салт-дәстүрімізді, тіліміз бен мәдениетімізді, ұлттық рухымызды мәңгі сақтайық, ағайын!