2016 ж. 22 қаңтарында ОМҒТҚА қызметкерлері Қазақстан Республикасы Ұлттық кітапханасында «Тәуелсіз Қазақстанға – 25 жыл» тақырыбында кең ауқымды кітап көрмесінің салтанатты ашылуына және Қазақстан Республикасы Ардагерлер кеңесінің ұйымдастыруымен «Тәуелсіздік – ұлттық рухы» атты дөңгелек үстеліне қатысты.
13 бөлімді кітап көрмесіне кітапхана қорынан тәуелсіз еліміз дамуының негізгі кезеңдерін баяндайтын қазақ, орыс және шетел тілдеріндегі 3000-нан астам басылым қойылған.
Аталмыш шаралардың мақсаты – тәуелсіздік тұғырының биіктігін жас ұрпақ бойына сіңіру мен оларды отансүйгіштік пен патриоттыққа баулып, бабалар аңсаған тәуелсіздік құндылықтарын қастерлеуді үндеу. Сонымен қатар, кітапхана қорындағы тәуелсіздік тарихы мен осы кезеңдегі әдебиет пен өнер, білім мен мәдениет, еліміздің әлеуметтік-экономикалық даму жолындағы жетістіктер көрініс тапқан әдебиеттерді кеңінен насихаттау көзделген.
Іс-шараға Қазақстан Республикасы Парламентінің депутаттары, қоғам қайраткерлері, жазушылар мен БАҚ өкілдері, ардагерлер, мемлекеттік архивтердің, кітапхана қызметкерлері, зерттеушілер, жастар қатысты.