Орталық мемлекеттік ғылыми-техникалық құжаттама архивінің қызметкерлері қазір Әзербайжан Республикасының Мемлекеттік ғылыми-техникалық құжаттар архивінде, Ғылыми-ақпараттық кітапханада жұмыс жүргізуде. Кітапханада архившілер кітапханаға түскен әрбір басылым туралы оқырманды қызықтыратын барлық ақпаратты қамтитын каталогтармен жұмыс жасады.
Мемлекеттік ғылыми-техникалық құжаттар архивінде жұмыс өте қарқынды өтуде. Қазақстандық архившілерді құжаттар анықтаумен қатар архив жұмысымен таныстырып, жоғары технологиялық архивтік құрал-жабдықтармен жабдықталған материалдық-техникалық базасы көрсетілді. Мысалы, олар бірнеше секунд ішінде жүздеген беттерді құрайтын істерді сканерлей алатын сканердің жұмысын көрді. Ал екі қабатты қоймаларда бірінен екіншісіне баспалдақпен көтерілуге болады. Ол жерде бүгінде архивтік сөрелерінде бос орынның болуы да маңызды, өйткені қоймалардың толықтығы саланың өзекті мәселелерінің бірі болып саналады.