Бүгінде мемлекетіміз Қазақстан архивтерінің қорларын Қазақстан тарихына қатысты әлі зерттелмеген және шет мемлекеттердің архивтерінде сақтаулы материалдармен толықтыруға үлкен көңіл бөлуде. Ал бұл – ұлттық тарихты байытып, жаңаша ұғынуға, бірегей архивтік дереккөздерді ғылыми айналымға енгізуге септігін тигізетін орасан зор құжаттар қойнауы деуге болады.
Құжаттар мен материалдарды анықтау мақсатында Орталық мемлекеттік ғылыми-техникалық құжаттама архивінің қызметкерлері Түркияның архивтері мен кітапханаларында анықтау жұмыстарын жүргізуде.
Олар Ыстамбұлдың ең маңызды мәдени құндылықтарының бірі – Сүлеймание кітапханасында болды. Бұл Түркиядағы ең үлкен кітапханалардың бірі және көптеген кітаптар, қолжазбалар, суреттер және басқа да тарихи құжаттар қоры. Сондай-ақ олар Османлы мемлекетінің тарихына қатысты құжаттардың негізгі бөлігін қамтитын Түрік Республикасы Премьер-Министрі жанындағы Османлы архивінде де жұмыс жүргізуде.
Осы жұмыстардың нәтижесінде Қазақстанның Ұлттық архив қоры мемлекет тарихына қатысты қызықты материалдармен толығатынына сенімдіміз.