2016 жылдың 29 қаңтарында геология-минералогия ғылымдарының докторы Людмила Кузьминична Диденко-Кислицинаның туғанына 90 жыл.
Людмила Кузьминична 1926 ж. Ақмола қ. (қазіргі – Астана қ.) туылған. 1944 ж. Қарқаралы орта мектебін үздік бітіріп Харьков авиация институтына оқуға түсті. Ол жерден А.М. Горький атындағы Харьков мемлекеттік университетінің география-геология факультетінің 2-ші курсына ауысып, 1949 ж. бітірді.
Оның айтуынша аталған ЖОО түсуге келесі сұраққа жауап беру қажеттілігі болды: «Неге Қарқаралы таулардың шыңдарында Чертовое және Бассейн көлдері пайда болған?».
Университетті бітіргеннен кейін 20 жыл бойы алдымен геоморфолог-геолог, содан кейін – аға геолог және партия бастығы болып далалық жағдайларда геологиялық партиялар мен экспедицияларда жұмыс істеді.
1950–1951 жылдар аралығында Людмила Кузьминична Қазақстанның бүкіл аумағындағы алтын желісінің зерттелу картасын құрастырды. 1952 -1962 жылдар аралығында ол Жоңғар Алатауында морфологиялық және геологиялық түсірілімдердің түрлі масштабтарында жұмыс жасады. Л.К. Диденко-Кислицина өзінің кайнозой шөгінділеріндегі фауналық табыстарымен Жоңғар Алатауының стратиграфикалық схемасын құрастыру жұмыстарын, неотектоника, палеография, жер бедерінің қалыптасу тарихын және алтын шашрандыларының пайда болу жағдайларын әзірлеу ісіне елеулі үлес қосты.
1963-1966 жылдар аралығында 1:1500 000 масштыбты, Қазақстанның және шекаралас аумақтарының геологиялық картасын құрастыруға және баспадан шығаруға қатысып КСРО Мемлекеттік сыйлығына ұсынылған. Одан басқа Людмила Кузьминична 1:1000 000 масштыбты КСРО Геологиялық картасын құрастыруға қатысты.
1968 ж. өндірістен қол үзбей жүріп, кандидаттық диссертация қорғады және оған геология-минералогия ғылымдарының кандидаты ғылыми дәрежесі берілді.
Л.К. Диденко-Кислицина - көптеген геологиялық есептердің авторы, оның ішінде 4-уі шашыранды алтын және рудалық емес пайдалы қазбалар қорының есептеуімен.
Людмила Кузьминичнаның 100 астам ғылыми еңбектері бар, оның 17-сі жарияланған 1:1 500000, 1:1000000 және 1:500000 масштыбты Мемлекеттік геологиялық карталар.
Оның жарияланымдарының арасында - Қазақстанның көрнекті геологтары: В.С. Баженов, В.Ф. Беспалов, А.А. Абдулин, Н.Г. Афоничев, Ф.Г. Волков, «Волковгеология» және «Южказгеология» өндірістік геологиялық бірлестіктердің қызметкерлері туралы автордың естеліктері енген «Живая легенда» (2007) атты кітабы. Бұл кітаптың атауы кездейсоқ емес - Людмила Кузьминичнаны Жоңғардың солтүстігінде жергілікті тұрғындар «тірі аңыз» деп атаған. 1940-1990 жылдар аралығында Қазақстанның аумағын және жер қойнауын зерттеу кезіндегі геологтардың жұмыс жағдайын бейнелейтін «Мемуары бабушки Люси» қысқа, ойдан шығарылмаған әңгімелер жинағы.
2006 ж. Л.К.Диденко-Кислицинаның (№ 155) жеке қор құжаттары ОМҒТҚА мемлекеттік сақтауға қабылданды.