Бүгін елордада көпшілік асыға күткен V Дүниежүзілік көшпенділер ойындарының салтанатты ашылуы өтті.
Ойындарға 100-ден астам елден 4 мыңға жуық қатысушы келді. Дүниежүзілік көшпенділер ойындары Мемлекет басшысы Қасым-Жомарт Тоқаевтың бастамасымен қолға алынды.
Ойындар Қазақстандағы ұлттық спорт түрлерін дамытуға септігін тигізеді және шағын және орта бизнестің, оның ішінде туризм, халықтық қолөнер, қызмет көрсету салаларындағы мүмкіндіктерін іске асыруына жағдай жасалады.

Көшпенділер ойындарының бай мәдени және спорттық бағдарламасы Қазақстандағы этникалық туризмді дамытуға серпін беретіні сөзсіз.
Дүниежүзілік көшпенділер ойындарының жарыс бағдарламасына сәйкес спорттың 20 түрінен жарыстар өтеді. Сонымен қатар спорттың 10 түрі арнайы таныстырылым ретінде дүйім жұртқа таныстырылады.
Әлемдік додаға 89 елден 2800-ге жуық спортшы қатысады. Спорттың 21 түрі бойынша 97 медаль жиынтығы сарапқа салынады.
Орталық мемлекеттік ғылыми-техникалық құжаттама архивінің директоры Баян Амантайқызы Жұматаева ҚР Мәдениет және ақпарат министрлігіне қарасты архивтік мекемелер басшылары қатарында Дүниежүзілік көшпенділер ойынының ашылу салтанатына қатысты