2025 жылғы 20-21 ақпан күндері Орталық мемлекеттік ғылыми-техникалық құжаттама архивінің қызметкерлері ҚР Мәдениет және ақпарат министрлігінің Архив, құжаттама және кітап ісі комитетінің ұйымдастыруымен Қазақстан Республикасының Ұлттық архивінде өткен «Е-Архив» ақпараттық жүйесінің жұмысы туралы республикалық семинар-кеңесіне қатысты.
Семинарға Қазақстан Республикасы Мәдениет және ақпарат министрлігі Архив, құжаттама және кітап ісі комитетінің, Цифрлық трансформация және жобалық менеджмент департаментінің, «IServ» ЖШС, «ҰАТ» АҚ, архив ісі және құжаттамалық қамтамасыз ету саласына басшылық ететін ЖАО өкілдері, Астана, Алматы, Шымкент қалаларының мемлекеттік архивтерінің, облыстық мемлекеттік архив мекемелерінің басшылары мен қызметкерлері қатысты.
Іс-шара барысында қатысушылар модульдерді сапалы толтыру, сараптамалық және сараптамалық тексеру комиссияларының функцияларын автоматтандыру, сондай-ақ жүйе арқылы электрондық құжаттарды мемлекеттік сақтауға қабылдау бойынша ҚР Ұлттық архиві, Жамбыл және Солтүстік Қазақстан облыстарының мемлекеттік архивтері қызметкерлерінің тәжірибесімен танысты.
Сонымен қатар, осы іс-шара аясында істер тізімдемесін жасау, істер номенклатурасын енгізу, электрондық құжаттардың құндылығын сараптау тәртібі және «Ұлы Отан соғысына қатысушылар» деректер базасына мәліметтерді енгізу мәселелері бойынша оқыту өтті.
Шара соңында қатысушылар жүйені жаңғырту мәселелерін талқылады.