Дәстүрлі құндылық ретінде қайырымдылықтың орны біздің қоғамда аса маңызды. Миллиондаған қазақстандықтар атсалысып жүрген қайырымдылық іс-шаралары осыны көрсетеді.
Наурыз мерекесін тойлау аясында 15 наурыз «Қайырымдылық» күні болып белгіленді. Ұлы даланың басты құндылықтарының бірі – адамдардың бір-біріне мейірім танытып, өзара көмек көрсетуі қоғамды айрандай ұйытып, бір ел, бір халыққа біріктірген. Сол себепті «Қайырымдылық» күні қазіргі қазақ қоғамының басты құндылықтары болып отыр. Наурыздың бір күнін осы тақырыпқа арнау өскелең ұрпақ тәрбиесінде өз ізін қалдарары сөзсіз.
Осыған орай, 2024 жылдың 15 наурызы күні Орталық мемлекеттік ғылыми-техникалық құжаттама архивінің қызметкерлері көпбалалы және мұқтаж отбасыларына, мүгедек балалары бар отбасыларға азық-түлік жиынтығы түрінде қайырымдылық көмек көрсетті.