Наурызнама онкүндігі аясында 17 наурыз «Шаңырақ» күні болып белгіленді. Бұл күн отбасы құндылықтарын, бірлікті, дәстүр мен ұрпақтар сабақтастығын дәріптейтін ерекше мереке.
Бұл күні отбасы құндылықтары насихатталады. Еліміздің түкпір-түкпірінде жастардың неке қию рәсімі өтіп, ақсақалдар бата беріп, жас жұбайларға бақ-береке тілейді.
Орталық мемлекеттік ғылыми-техникалық құжаттама архивінің қызметкерлері бұл мерекені әркім өз отбасыларында киелі Шаңырақтың мән-мағынасын, отбасы құндылықтарын дәріптеуге арнап атап өтті.
Осы мерекеде әр шаңыраққа амандық, сүйіспеншілік пен ынтымақ тілейміз!