18 наурыз наурызнама онкүндігіне сәйкес Ұлттық киім күні болып белгіленген. Әр ұлтты ерекшелендіретін дәстүрлі құндылықтары, әр ұлттың қолтаңбасы іспетті дара әдет-ғұрпы, салт-санасы, ұлттық киімдері бар.
Бүгінгі модернизация дәуірінде ұлттық киім өз мәнін жоймай, бұрынғы дәстүрлер мен заманауи үрдістерді үйлестіре отырып, жаңа интерпретацияға ие болды. Ұлттық стиль ұлттық мінез пен ұлт бірлігін айшықтай отырып, ел мәдениеті мен тарихының ажырамас бөлігіне айналды. Ұлттық киім күні – киім үлгісі арқылы әр адамға өз даралығын білдіруге, сонымен қатар Қазақстанның бірлігі мен мәдени әралуандығын танытуға мүмкіндік береді.
Қазіргі таңда заманауи стильде тігілген ұлттық киімдер сұранысқа ие бола бастады. Осыған орай Орталық мемлекеттік ғылыми-техникалық құжаттама архивінің қызметкерлері ұлттық киімнің маңыздылығын насихаттау мақсатында әдемі ұлттық киімдер киіп, ұлттық нақыштағы әшекейлерді үйлестіріп тағып мерекені атап өтті.