Орталық мемлекеттік ғылыми-техникалық құжаттама архивінің қызметкерлері «Ұлы Отан соғысының жаңа беттері (соңғы жылдары табылған құжаттар негізінде)» халықаралық ғылыми-практикалық конференция және «Қазақстан: Бәрі де Жеңіс үшін, бәрі де майдан үшін!» құжаттық көрме жұмысына қатысты.
Аталған шараларды Қазақстан Республикасы Мәдениет және ақпарат министрлігі Архив, құжаттама және кітап ісі комитетінің «Орталық мемлекеттік архив» республикалық мемлекеттік мекемесі Ұлы Отан соғысындағы Жеңістің 80 жылдығын атап өту және ондағы қазақстандықтардың үлесі мен рөлін, ерлік жолын соңғы жылдары табылған архив құжаттары негізінде көрсету мақсатында ұйымдастырды.
Тарихи жад мәселелері архив құжаттары негізінде талданады. Себебі сол кезеңдегі Одақ құрамындағы әрбір республика Жеңіске баға жетпес үлес қосты, ал әр отбасында ТМД кеңістігін қорғаған азамат пен ұрыс даласынан қайтып оралмаған батырлар болды.