Қазақстан-түрік ынтымақтастығы барлық салаларда қарқынды дамуды жалғастыруда. Бұл ортақ тарих, тіл, экономика, мәдениет және басқа да салаларға негізделген екіжақты қарым-қатынастар.
Бүгін Орталық мемлекеттік ғылыми-техникалық құжаттама архивіне Түркия Республикасының Кастамону Университетінің зерттеуші ғалымы, философия докторы Хаджы Ахмет Шимшек архив жұмысымен танысу мақсатында келді.
Архив директоры Баян Жұматаева қонаққа танымдық экскурсия жүргізіп, республикамызда халық шаруашылығының, ғылым мен техниканың аса құнды және соңғы жетістіктерін көрсететін ғылыми-техникалық құжаттаманың орталықтандырылған есепке алынуын, сақталуын және пайдаланылуын қамтамасыз ететін бейінді архивтің қызметі, құжаттар мен қорлар мазмұнына тоқталып өтті.
Сондай-ақ тараптар архив құжаттарын реставрациялау және консервациялау мәселелерін талқылады, өйткені доктор Шимшек бүгінде қазақстандық және түрік ғылыми орталықтары, архивтер мен университеттер мамандарының көне кітаптар мен құжаттарды қалпына келтіру саласындағы белсенді ынтымақтастығына ықпал етуде.