Орталық мемлекеттік ғылыми-техникалық құжаттама архивінің қызметкерлері жалпы жоспарлы қалалық сейсмикалық жаттығуларға қатысты. Олар апаттық чемодандарын дайындап, эвакуация пунктін – М.Ю. Лермонтов атындағы драма театры ғимаратын анықтады.
28 сәуірден бастап теле-радиоарналарда алдағы жоспарлы жаттығу туралы бейнероликтер мен сабыр сақтауға шақыратын хабарламалар көрсетілді. Сиреналық-дауыс хабарлау құрылғылары, мобильді қосымшаларда хабарламалар жіберу арқылы қалалық хабарлау жүйесі іске қосылды.
30 сәуірде сағат 11.00-де сирена мен «Баршаңызға назар аударыңыз!» дыбыстық сигналын естігеннен кейін қосымша нұсқаулар алу үшін радиоларын қосып, интернет-ресурстардағы ақпаратты бақылап отырды.
Алматы қаласының Төтенше жағдайлар департаменті мен әкімдігінің өкілдері төтенше жағдай кезінде және одан кейінгі әрекетке әрбір азаматтың жеке дайындығының маңыздылығын ескере отыра, адамдар көп жиналатын орындарда азаматтарды ғимараттардан алдын ала белгіленген қауіпсіз орындарға эвакуациялау жұмыстары туралы да хабардар етті.