2025 жылғы 6 мамырда Орталық мемлекеттік ғылыми-техникалық архивінің қызметкерлері Орталық мемлекеттік кино-фотоқұжаттар мен дыбыс жазбалары архиві өткізген «Ұлттық тарихты сақтау мен зерттеудегі кино-фотоқұжаттардың рөлі» тақырыбындағы дөңгелек үстелге қатысты.
Шара аясында ОМ КФҚДЖ архивінің бас сарапшысы, Қазақстанның еңбек сіңірген қайраткері Жанай Сейітжанұлы Омаровтың 70 жылдық мерейтойымен тұспа-тұс келген «Қазақ әдебиеті: фотошежіре (екінші бөлім) 1980-2020 жылдар» (Алматы, 2024 жыл) фотоальбомының тұсаукесері өтті.
Шараға белгілі мемлекет және қоғам қайраткерлері, мәдениет пен білім саласының өкілдері, жазушылар, журналистер, режиссерлар, архивистер, БАҚ өкілдері қатысты.
Қатысушылар назарына қазақ халқының өткен тарихы мен қазақ әдебиетінің 90 жылдық тарихын бейнелейтін фотокөрме ұсынылды және Қазақстан Жазушылар одағының құрылу тарихынан сыр шертетін фото және бейнефильм көрсетілді.