2016 ж. 26 ақпанында Орталық мемлекеттік ғылыми-техникалық құжаттама архивінің мамандары Қазақстан Республикасы Президентінің Архивінде өткен «Ел бірлігі – асыл қазына» тақырыбындағы дөңгелек үстелге қатысты.
Осы іс-шараның мақсаты – этносаралық және конфессияаралық келісімнің қазақстандық моделін, жаңа қазақстандық патриотизмді насихаттау, Қазақстан Республикасының Президенті Н. Назарбаев Қазақстан халқы Ассамблеясының ХХІІ сессиясында ұсынған 2016 жылы алғаш рет өткізілетін мереке – 1 наурыз – Алғыс айту күнінің тарихи және қоғамдық маңызын танымал ету.
Дөңгелек үстелдің жұмысына «Нұр Отан» партиясының мүшелері, Қазақстан халқы Ассамблеясының мүшелері, ұлттық мәдени орталықтардың, мемлекеттік мұрағат мекемелерінің өкілдері, ғалымдар, қоғам қайраткерлері, Алматы қаласының жоғары оқу орындарының оқытушылары мен студенттері қатысты.