2025 жылдың 9 маусым күні Қазақстан Республикасы Орталық мемлекеттік архивінде Халықаралық архив күніне арналған «Архив саласының өзекті мәселелері» атты дөңгелек үстел өтті.
Аталған іс-шараға ҚР Орталық мемлекеттік архиві, ҚР Орталық мемлекеттік кино-фотоқұжаттар мен дыбыс жазбалар архиві, Қазақстан Республикасы Орталық мемлекеттік ғылыми-техникалық құжаттама архиві Алматы қаласы мемлекеттік архивінің және Алматы облысының мемлекеттік архивінің жас мамандары мен Әл-Фараби атындағы Қазақ Ұлттық университетінің студенттері қатысты.
Дөңгелек үстел аясында архив саласындағы өзекті мәселелер мен даму бағыттары жан-жақты талқыланды.
Іс-шара ҚР Орталық мемлекеттік архиві директор орынбасары Жылысбаева Марзия Ганиевнаның алғы сөзімен басталып, архив саласындағы өзекті мәселелерге тоқталды.
Қазақстан Республикасы Орталық мемлекеттік ғылыми-техникалық құжаттама архиві Ұлттық архив қорын толықтыру және ведомстволық архивтер бөлімінің біліктілігі жоғары деңгейдегі архивисі Нұртай Әбдірәсіл білім беру ұйымдарындағы электронды құжат айналымының тиімділігін нақты архивтік мысалдармен көрсетті.
Кездесу соңында ашық пікірталас ұйымдастырылып, ортақ мәселелерді шешуге бағытталған ұсыныстар айтты. Аталмыш шара – архив ісінің қоғамдағы маңызын айқындай түскен маңызды басқосу болды