Орталық мемлекеттік ғылыми-техникалық құжаттама архиві мен Алматы көпсалалы колледжінің ынтымақтастық туралы шарты шеңберінде архив директоры Баян Амантайқызы Жұматаева мемлекеттік емтихан комиссиясының төрайымы ретінде «Басқаруды құжаттамалық қамтамасыз ету және мұрағаттану» мамандығы бойынша бітіруші студенттер үшін демо-емтихан өткізуге қатысты.
Демоемтихан - бұл колледждер мен техникумдарды бітірушілер үшін мемлекеттік қорытынды аттестаттау нысаны, онда студенттер нақты жұмыс жағдайына жақындатылған практикалық тапсырмаларды орындай отырып, өздерінің кәсіби дағдыларын көрсетеді. Бұл олардың дайындық деңгейін және нақты мамандық талаптарына сәйкестігін бағалауға мүмкіндік береді.
Демонстрациялық емтиханға қатысқан колледж студенттері кәсіби біліктіліктің барлық кешенінің жеткілікті жоғары деңгейде қалыптасқанын көрсетіп, жоғары бағаларға ие болды.