Орталық мемлекеттік ғылыми-техникалық құжаттама архивінде Қазақстан Республикасы Конституциясының 30 жылдығына орай «Қазақстан Республикасына – 30 жыл» атты дөңгелек үстел өтті.

Дөңгелек үстелді өзінің құттықтау сөзімен архив директоры Жұматаева Баян Амантайқызы ашты. Іс-шара Қазақстан Республикасының Мемлекеттік Әнұранын орындаумен басталды. Өз сөзінде директор Конституцияның мәні мен маңызына кеңінен тоқталып, оның еліміздің құқықтық мемлекет ретіндегі дамуындағы рөлі мен тарихи маңызын түсіндіріп өтті.

Шараға архив қызметкерлері, Орталық мемлекеттік архив директорының орынбасары Жылысбаева Марзия Ғаниқызы, сондай-ақ әл-Фараби атындағы Қазақ Ұлттық университетінің докторанттары мен студенттері қатысып, мазмұнды баяндамалар жасап, пікір алмасты.