Орталық мемлекеттік ғылыми-техникалық құжаттама архивінде «Семей ядролық сынақ полигонының жабылу күні» атты дөңгелек үстел өтті.

Дөңгелек үстелді өзінің кіріспе сөзімен архив директоры Жұматаева Баян Амантайқызы ашты. Іс-шара қонақтармен танысудан басталды. Өз сөзінде директор Қазақстандағы антиядролық қозғалыстың тарихына, сондай-ақ Семей ядролық полигонының жабылуының тарихи маңызына тоқталды.

Шараға архив қызметкерлерімен бірге келесі қонақтар қатысты: Бозтаев Нұрлан Кешірімұлы — «Полигон – 29 тамыз» халықаралық қоғамдық-қайырымдылық қорының бұрынғы атқарушы директоры, қазір қор кеңесінің төрағасы; Томпиев Марал Қазкенұлы — жазушы; Закиева Жанар Кешірімқызы — экономика ғылымдарының кандидаты, ҚР дипломатиялық қызметінің еңбек сіңірген қызметкері; Жатқанбаева Табиғат Кешірімқызы — ағылшын тілі пәнінің оқытушысы; Сұлтанова Зухра Садыққызы — тарих пәнінің мұғалімі; Сүлейменов Бейсенбай Жолдасбекұлы — журналист; Айгүл Е. — «Семей полигоны» психологиялық құрамының өкілі; Жакупова Күләш Жабықбаевна — «Семей полигон Алматы» қоғамдық бірлестігінің төрайымы.

Қатысушылар жергілікті жерлер мен елді мекендердің ұзақ уақыт радиоактивті зақымдануына, халық арасында онкологиялық аурулар мен генетикалық ауытқулардың өсуіне, сондай-ақ экологиялық проблемаларға әкелген ядролық полигонындағы көптеген ядролық сынақтар, антиядролық қозғалыстың рөлі мен оның қазіргі қоғам үшін маңыздылығы жөнінде айтып өтті.