2025 жылдың 2 қазан күні Орталық мемлекеттік ғылыми-техникалық құжаттама архивінде қор құрушылардың бірі Мұхамеджан Тынышбаевтың немересі Асқар Дәулетұлы (Шейх-Али) Тынышбаев және жиен немересі Нұршакен Жүнісқызы қонақта болды. 2024 жылы ОМҒТҚА-де қазақтың көрнекті саяси қайраткері, Алаш қоғалысының негізін салушылардың бірі, Алаш Орда үкіметінің мүшесі және оның төрағасының орынбасары, шежіреші, тарихшы-ғалым, қазақтан шыққан тұңғыш теміржол қатынастарының инженері Мұхамеджан Тынышбаевтың жеке тектік қоры қабылданып, жаңа ашылған мәжіліс залына қайраткердің есімі берілген.
Архившілер қонақтарға халық шаруашылығының, ғылым мен техниканың аса құнды және соңғы жетістіктерін көрсететін ғылыми-техникалық құжаттамаларды орталықтандырылған есепке алуды, сақтауды және пайдалануды қамтамасыз ететін ғылыми-техникалық құжаттама архивінің тарихымен таныстырды.
Асқар Дәулетұлы атасының қорымен танысып, бұрыннан білетін тарихи құжаттарды тағы бір зерделеп, архивте сақталған құнды мұраның жүйелі түрде жинақталғанына ризашылығын білдірді.
Америка Құрама Штаттарынан келген қонаққа архивте танымдық экскурсия ұйымдастырылып, архив жинақтарын сыйға табыстады.