Орталық мемлекеттік ғылыми-техникалық құжаттама архивіне мемлекеттік сақтауға ғалым, медицина ғылымдарының докторы, профессор, Қазақстан ғылым академиясының корреспондент мүшесі, Қазақстанның еңбек сіңірген дәрігері Атшабаров Бахия Атшабарұлының және медицина ғылымының докторы, профессор, Ұлы Отан соғысының ардагері – Маманова Халида Есенғұлқызының жеке тектік құжаттары тапсырылды.

2018 жылдың 20 шілдесінде ОМҒТҚА қызметкерлері Ж. Қаламбаева, Л. Ануарханова, Е. Скрипко Қазақ аграрлық-өнеркәсіптік кешенінің экономикасы және ауылдық аумақтарды дамыту ғылыми-зерттеу институты ұйымдастырған экономика ғылымдарының докторы, профессоры, ҚазКСР ғылымына еңбек сіңірген ғылым қайраткері, ҚР Ұлттық ғылым академиясының академигі, Ресей ғылым академиясы мен Ресей ауыл шаруашылығы ғылымдары академиясының мүшесі, Украинаның Ұлттық аграрлық ғылымдар академиясының академигі, Мемлекетаралық аграрлық экономика бойынша ғылыми-проблемалық кеңестің бірінші төрағасы, ОМҒТҚА қорқұрушысы Ғани Әлімұлы Қалиевтың мерейтойына арналған іс-шараларға қатысты. Архивистер мерейтой иесіне естелік сыйлықтар беріп құттықтау адресін табыстады.

2018 ж. 19 шілдесінде ОМҒТҚА директордың м.а. Б. Жұматаева мен бас сарапшы В. Печерских Қазақ онкология және радиология ғылыми-зерттеу институтына кездесуге барды.

2018 ж. 18 шілдесінде «Адырна» ұлттық-этнографиялық бірлестігі «Азаматтық борыш» жобасы аясында ҚР Орталық мемлекеттік архив ғимаратының мәжіліс залында «Ауған соғысының естеліктері» атты өткізілген іс-шарасына ОМҒТҚА қызметкерлері қатысты.

2018 жылдың 5 шілдесінде Орталық мемлекеттік ғылыми-техникалық құжаттама архивінің қызметкерлері Д.Н. Акимжанова мен Н. Тұрсынбек «Синташта» бірегей мәдени-тарихи кешенінің зерттелуіне 45 жыл және қола дәуірінің дүние жүзіне әйгілі археологиялық ескерткіші Арқайымның табылуына 30 жыл толуына орай Қазақстан Республикасы Орталық мемлекеттік музейінің ұйымдастыруымен өткізілген «Арқайым – қалалар елі: кеңістік пен бейнелер» атты Халықаралық фотокөрмеге қатысты.