ҰЛТТЫҚ САНАНЫ ЖАҢҒЫРТУ – ҰЛТТЫҢ ҰЛЫ МҰРАТЫ

Тұрсынбек Нұрдина
Орталық мемлекеттік
ғылыми-техникалық
құжаттама архивінің
жоғары санатты архивисі



Еліміз өз тәуелсіздігін алған сәттен бастап әлемдік аренада өз орнын нақты қалыптастыра бастады. Ел дамуының түрлі бағыттары Елбасы саясатының стратегияларынан анық көрінеді. Қазақстан Республикасының Тұңғыш Президенті – Елбасы Н.Ә. Назарбаев ұсынған «Мәңгілік ел» идеясы халықтың қолдауын тапты. Мәңгілік ел идеясы сонау өткен тарихымызға тамырын терең тартады. Тарих тағылымы, тұлғалар мұрасы ұлттық тәрбие арқылы ұрпақтан-ұрпаққа беріліп отырады.
Ұлттық сананы ұлт руханиятының өзегі дейтін себебіміз, тарихта қазақты ұлт ретінде сақтап қалған дүние - ұлттық сана, ұлттық сананың рухы. Ұлттық сана ұлттың рухани әлемінде сақталып, ұрпаққа рухани дүниелер арқылы беріліп отырғандықтан да тарихтың қиын кезеңдерінің өзінде елдің бірлігі жоғалмаған. Сондықтан да ұлттық сана – ұлт руханиятының негізі болмақ.
Осы үрдісті бүгінгі күнге енгізіп, болашақ ұрпаққа жалғастырудың маңыздылығы Елбасының мақалалары мен халыққа жолдауында айтылған айқын міндеттерден байқалады. Ұлы Дала елінің бойында белгілі тарихи себептермен қалғып кеткен прагматизмді ояту арқылы ұлттық, қоғамдық ойға, іске сілкініс әкелу, тәуелсіз елдің санасы мен ағзасын отар¬-шыл¬дық, кембағалдық, бойкүйездік ком¬плекстерінен тұтастай арылту ең басты мақсат. Елбасы Н.Ә. Назарбаев барша халықты қазақтың ежелден келе жатқан «дәс¬түрдің озығы бар, тозығы бар» қағидасын мықтап ұстануға шақыра отырып, «Мен қазақстандықтардың ешқашан бұлжымайтын екі ережені түсініп, байыбына барғанын қалаймын. Біріншісі – ұлттық код, ұлттық мәдениет сақталмаса, ешқандай жаңғыру болмайды. Екіншісі – алға басу үшін ұлттың дамуына кедергі болатын өткеннің кертартпа тұстарынан бас тарту керек» деп атап өтті.
Елбасы нұсқаған ұлттық бірегейлікті сақтай отырып, заман ағымына қарай оның сипаттарын өзгерту, «білім куль¬тін» қалыптастыру, мемлекет пен қоғамды рево¬люциялық емес, эволюциялық жолмен дамыту, ең бастысы, сананың ашықтығын, яғни әлемдік озық жаңалықтарға, ғылым-білімге құшақты айқара ашу идеялары ұлттың рухани-мәдени қалыбы болары даусыз. Жаңа дәуір сынақтарын бәсекелік қабілеті ерекше ел ғана еңсере алады. Осы тұрғыда Елбасының мемлекет пен қоғам алдына қойып отырған нақты міндеттері рухани саладағы түбегейлі реформалардың алтын бастауына айналарына күмән жоқ.

Еліміздің төл тарихын білу арқылы тарихи сана қалыптасады. Ал тарихи сана арқылы ұлттық сана өсіп жетіледі, ұлттық санамыз биік деңгейге көтерілсе, егемендігіміз тұғырлы болатыны анық.

Опубликовано на massaget.kz
https://massaget.kz/blogs/oy_tolgaular/25487/

Жаңалықтар

Показать все
10 шілде 2024 жыл
Бүгінде қоғам өмірдің барлық саласына еніп үлгерген цифрландыру дәуіріне көшуде. Бұл, мысалы, гаджеттеріміздегі цифрлық қызметтердің көмегімен күнделікті қажеттіліктерімізді қамтамасыз ететін қызмет түрлері.


05 шілде 2024 жыл
Қазақ поэзиясының ақыны Қадыр Мырза Әлі ағамыздың «Нағыз қазақ – қазақ емес, нағыз қазақ домбыра» сөздері ұлтымыздың бойтұмары – қазақтың қара домбырасының қасиетін ашып тұрғандай.


04 шілде 2024 жыл
Қазақстан Республикасы Үкіметінің 2019 жылғы 20 желтоқсандағы №953 қаулысымен бекітілген «Архив-2025» кешенді бағдарламасын іске асыру бойынша Қазақстан Республикасы Мәдениет және ақпарат министрлігі архив, құжаттама және кітап ісі комитетінің Орталық мемлекеттік ғылыми-техникалық құжаттама архивінің қызметкерлері Әзербайжан архивтері, ғылыми орталықтары мен кітапханаларында құжаттар мен материалдар анықтау бойынша жұмысты бастады.


26 маусым 2024 жыл
Қазақстан Республикасы Мәдениет және ақпарат министрлігі Архив, құжаттама және кітап ісі комитетінің Орталық мемлекеттік ғылыми-техникалық құжаттама архивінің жұмыс тобы Грузияда Қазақстан тарихы қатысты құжаттар мен материалдар анықтау бойынша архивтерімен қатар кітапханаларында да жұмыс жүргізуде.


Яндекс.Метрика Разработка и поддержка: ntd.kz