ҚР ОМҒТҚА ұжымы дайындаған «Жадымыздан өше бастаған және жаңа туған есімдерді ғылымның сан тараулы саласынан іздестіру. Қазақстан: 1960-2000 жж.» Халықаралық ғылыми-тәжірибелік конференция материалдары. Нұр - Сұлтан қ., 2019 ж. 4 қазаны / Редакциялық алқасы: Б.А. Жұматаева, Ж.Ә. Қаламбаева, В.Е. Печерских. – Алматы: Print_express, 2020. 184 с. +32 п. қосымша парақтар/ жаңа басылым жарық көрді
2019 жылдың 4 қазанында Нұр - Сұлтан қ. Орталық мемлекеттік ғылыми-техникалық құжаттама архиві әріптестермен бірлесіп «Жадымыздан өше бастаған және жаңа туған есімдерді ғылымның сан тараулы саласынан іздестіру. Қазақстан: 1960-2000 жж.» тақырыбында Халықаралық ғылыми-тәжірибелік конференция өткізді.
Конференцияда келесі мәселелер талқыланды: өткен кезеңдерді зерделеуде архивтік дерек көздерінің, зияткерлік ой тарихын зерттеуде құжаттық мұраларды пайдалану мәселелерінің маңыздылығы; ХХ ғасырдың соңында отандық ғылым мен техниканың дамуына елеулі үлес қосқан, бұл күнде жадымыздан өше бастаған тұлғаларға қатысты тарихи әділеттілікті орнату.
Конференция ҚР Мәдениет және спорт Министрі А.Р. Райымқұлова және ОМҒТҚА директоры Б.А. Жұматаеваның құттықтау сөздерімен басталып ары қарай қатысушылардың баяндамаларымен жалғасты.
Басылымның бейне тарауында 2 қосымша бөлімдерден тұрады. Бірінші бөлімінде конференция барысын бейнелейтін фотосуреттер жарияланған. Басылымның екінші бөлімінде конференцияға қатысушылардың баяндамалар мазмұнына қосымша ақпарат беретін материалдар ұсынылған.
Жинақтың соңында конференцияға хабарлама мен баяндамалар дайындаған қатысушылар туралы қысқаша мәліметтер келтірілген. Сонымен қатар, осы жерде іс-шара аяқталғаннан кейін ұйымдастырушылардың конференция туралы ой-пікірлері орналастырылған.