Қазақстан Республикасы Мәдениет және спорт министрлігінің Орталық мемлекеттік ғылыми-техникалық құжаттама архиві сайтына қош келдіңіздер!
Орталық мемлекеттік ғылыми-техникалық құжаттама архиві – Отандық ғылым-техниканың қалыптасу және даму тарихы мен жетістіктерін көрсететін, әр түрлі тасмалдаушылардағы ғылыми-техникалық құжаттамаларды заманауи үлгідегі құрал-жабдықтар негізінде сақтап, оларды пайдалануды жүйелі түрде жүзеге асырып отырған бірден-бір мамандандырылған архив.

2023 жылға арналған ОМҒТҚА жұмыс жоспарына сәйкес ағымдағы жылдың 16 ақпанында Алматы қаласында "Шексіз тарих беттері" атты Халықаралық ғылыми-практикалық конференция өтеді.

Бабаларымыздың өмірі мен олардың ғажап өркениеті жөніндегі көптеген деректі құжаттар, әлі де болса, ғылыми айналымға түскен жоқ. Олар әлемнің бүкіл архивтерінде өз іздеушісі мен зерттеушісін күтіп жатыр, ежелгі дәуірден қазіргі заманға дейінгі кезеңді қамтитын барлық отандық және шетелдік архивтер дүниесіне елеулі іргелі зерттеулер жүргізу үшін "Архив – 2025" жеті жылдық бағдарламасы қолға алынған болатын. Бүгінгі таңда осы бағдарламаны іске асыру бойынша еліміздің іргелі архив мекемелерінің қызметкерлері алыс жақын шетелдерге барып, Қазақстан тарихы бойынша құжаттар мен материалдардың көшірмелерін анықтау және сатып алу бағытында үлкен жұмыстар атқаруда. Орталық мемлекеттік ғылыми-техникалық құжаттама архивінің қызметкерлері Польша, Белоруссия, Қырғызстан, Ресей Федерациясы, Түркия, Әзербайжан, Грузия, Катар сынды мемлекеттердің архив мекемелерінде зерттеу жұмыстарын жүргізіп тарихымызға қатысты құнды құжаттардың көшірмесін елге алып келді.