Орталық мемлекеттік ғылыми-техникалық құжаттама архиві барша қазақстандықтарды биылғы Ұлы Отан соғысындағы Жеңістің 80-жылдығымен құттықтайды!
Құрметті Отандастар!
Бұл мереке – жанқияр ерліктің, еңселі елдіктің рухы өрлеп, Жеңіс жалауы желбіреген күн. Бүгінгі тәуелсіздік тұғырының берік, еңсеміздің биік болуы да осы мерекенің жемісі. Біздің халқымыздың, даңқты ата-бабаларымыздың ерлік үлгісі, мұқалмас қажырлығы мен мызғымастығының символы.
Бұл – бүкіл әлемдегі миллиондаған адамдардың болашағы, бостандығы мен қадір-қасиетін қорғау үшін өз өмірін қиған адамдарды жақсылықпен еске алатын мәңгілік қуаныш күні және тарихымыздың ұмытылмас парағы болып қала бермек.
Баршаңыздың дендеріңізге саулық, шаңырақтарыңызға бақыт, еңбектеріңізге табыс тілейміз!
Еліміз аман, аспанымыз ашық, заманымыз тыныш болсын, ағайын!
Қазақстан Республикасы Мәдениет және ақпарат министрлігінің Орталық мемлекеттік ғылыми-техникалық құжаттама архиві сайтына қош келдіңіздер!
Орталық мемлекеттік ғылыми-техникалық құжаттама архиві – Отандық ғылым-техниканық қалыптасу және даму тарихы мен жетістіктерін көрсететін, әр түрлі тасмалдаушылардағы ғылыми-техникалық құжаттамаларды заманауи үлгідегі құрал-жабдықтар негізінде сақтап, оларды пайдалануды жүйелі түрде жүзеге асырып отырған бірден-бір мамандандырылған архив.
