2016 жылдың 26 сәуірінде Павлина Васильевна Олейникова мемлекеттік ғылыми-техникалық құжаттама архивінің бірінші директоры, Қазақстанның архив ісінің ардагері қайтыс болды.
Павлина Васильевна 1927 ж. 25 қаңтарында Сібірде туылған. 1944 ж. оның әкесін соғыстың алдында жіберген Сталинабад қ. (қазіргі – Душанбе қ.) орта мектебін үздік бітіріп, сол жерге эвакуацияланған Одесса технология институтына оқуға түсті. Одесса қ. босатылғаннан кейін, институт ұжымы еліне оралды. Павлина Васильевна курстастарымен осы қалаға кетті. Оқу кезінде оның туыстары Алматы қ. көшті. Сондай-ақ, 1947 ж. Павлина Васильевна анасының өтініші бойынша білімін аяқтамай Алматы қ. көшіп келді.
1957 ж. бастап ол Қазақ КСР Министрлер Кеңесі жанындағы Бас архив басқармасының қызметкері. 1963 ж. Павлина Васильевна С. М. Киров атындағы ҚазМУ тарих факультетін сырттай аяқтағаннан кейін әр жылдары Қазақ КСР ОМА бірқатар құрылымдық бөлімшелерінің басшысы болып жұмыс істеді.
1974 ж. 7 ақпанында Қазақ КСР Министрлер Кеңесінің қаулысымен Орталық мемлекеттік ғылыми-техникалық құжаттама архиві құрылды және осы архивтің директоры болып П.В. Олейникова тағайындалды. Ол осы лауазымды 10 жыл бойы атқарды. 1984 ж. Павлина Васильевна зейнетке шықты. Бірақ архив ұжымымен тығыз байланысын үзбеді: Павлина Васильевна бірнеше рет ОМҒТҚА ұйымдастырған түрлі іс-шараладың ең құрметті қонағы болды.
2005 ж. П.В. Олейникованың (№ 154) жеке қор құжаттары ОМҒТҚА мемлекеттік сақтауға қабылданды.
Орталық мемлекеттік ғылыми-техникалық құжаттама архивінің ұжымы Павлины Васильевнаның туысқандарына және жақындарына шынайы көңіл айтады. Павлина Васильевна Олейникова мәңгі біздің есімізде қалады.