2016 жылдың 4 мамырында ОМҒТҚА қызметкерлері Қазақстан Республикасы Орталық мемлекеттік архивының конференц-залында өткен белгілі суретші, авангардшы, Кузьма Петров-Водкин және Мстислав Добужинскилердің шәкірті, мыңнан астам картиналар, гравюрлер, суреттер және театрдағы декорация эскиздерінің авторы Сергей Иванович Калмыковтың (1891–1967 жж.) «Необычайные абзацы» атты кітабының тұсаукесеріне қатысты.
1924–1929 жж. Сергей Калмыков мәтіндерін арнайы альбомдарға құрастырды. Ол еңбектерін жарияланады деп ойламады, бірақ келешекте оларды түсініп бағалайды деп үміттенді. Кітап авангард манифесті, лирикалық күнделік және мемуар ерекшеліктерін өзара толықтырады. Суретшінің әдеби мұрасы қазақстандық оқырмандарға тұңғыш рет ұсынылып отыр.
Жинақты жариялау Ресей Федерациясындағы ҚР Елшілігі және РФ Баспа және бұқаралық коммуникация жөніндегі Федералды агенттігінің көмегімен Орынборлық «Евразия» қайырымдылық қоры жобасының негізінде жүзеге асты
Тұсаукесерге «Евразия» қорының президенті, Орынбор кітап баспасының директоры Игорь Храмов және жинақ құрастырушысы Игорь Смекалов қатысты.