1940 жылдың 18 маусымында Жамбыл облысы Луговой ауданының Луговое ауылында Жасыбаева Тәсиля Сүйінбайқызы дүниеге келген. Эпидемиолог, медицина ғылымдарының докторы, профессор, Халықаралық ақпараттандыру академиясының академигі.
1988 жылы Жасыбаева «Қазақстанның аридті аймақтарындағы жұқпалы аурулардың әлеуметтік аспектілері» («Социальные аспекты инфекционных болезней в аридных зонах Казахстана») атты докторлық диссертация бойынша жұмысты бастады. Ол материал жинау барысында Жамбыл, Қызыл орда, Шымкент облыстарына, Арал өңірін тереңдетіп зерттеулер жүргізу үшін 11 экспедицияларды жүзеге асырды. Т. С. Жасыбаева жұқпалы патологияны, сонымен қатар сырқаттанушылықтың инфрақұрылымын, жергілікті халықтың өмірін, Қазақстанның аридті аймақтарының әлеуметтік-экологиялық және табиғи ерекшеліктерін егжей-тегжейлі зерттеді. Барлығы 350 мың адамнан астам тексеріліп, ауа, су және топырақ жай-күйлері зерттелді. Диссертация 1992 ж. қорғалды.
Т. С. Жасыбаеваның 90-ға жуық ғылыми жұмыстар бар.