2016 жылдың 4 шілдесінде ОМҒТҚА қызметкерлері Қазақстан Республикасы Президенті Архивінде Астана күніне орай өткен «Астана – Тәуелсіз Қазақстанның жетістігі мен гүлденуінің, болашағының символы» атты тарихи-құжаттық көрме тыныстырылымына және дөңгелек үстел отырысына қатысты.
Көрмеде астанамыздың Алматыдан Астана қаласына көшіру оқиғаларының жылнамасын ашатын құжаттар ұсынылды: ҚР Президенті Н.Ә.Назарбаевтың астананы Ақмола қаласына көшіру, мемлекеттік рәміздер мен Президент Байрағын Ақмола қаласына жеткізу туралы ҚР Жоғарғы Кеңесінде сөйлеген сөздері, «ҚР мемлекеттік тәуелсіздігі туралы» ҚР Конституциялық Заңының мәтіні, астана туралы, Ақмола арнайы экономикалық аймағын құру, Ақмола қаласын еліміздің астанасы етіп жариялау, Ақмола қаласын Астана қаласы етіп атауын өзгерту, Астана қаласында «Астана-Бәйтерек» монументін тұрғызу туралы ҚР Президентінің Жарлықтары, қаулылар, архив коллекцияларынан бірегей фотосуреттер орын алды.
Қатысушыларға «Астана – орындалған арман» атты оның құрылысы, дамуы және қазіргі Тәуелсіз Қазақстанның өміріндегі алатын орнын айқын бейнелейтін деректі фильм көрсетілді. Сонымен қатар, Алматы қаласы музейі қорынан фотокөрме дайындалды. Алматы қаласының ұлттық-мәдени орталықтарының және Алматы қаласы Оқушылар сарайы өкілдерінің музыкалық бағдарламасымен шара аяқталады.
Дөңгелек үстелге көрнекті мемлекет және қоғам қайраткерлері, ғалымдар, тарихшылар мен Алматы қаласындағы мемлекеттік архив қызметкерлері қатысты.