2017 жылдың 25-ші қаңтарында ОМҒТҚА қызметкерлері Қазақстан Республикасы Президентінің Архиві ХХІІІ-ші қысқы Универсиада қарсаңында ұйымдастырған «Қазақстан спорты – Қазақстан Республикасы Президенті Архивінің құжаттарында» атты тарихи-құжаттық көрмеге және Дөңгелек үстелге қатысты.
Іс-шара Қазақстанның тарихи-құжаттық мұрасын дәріптеуге және нәсихаттауға бағытталған.
Көрмеде ҚР Президент Архиві қорларында сақталған халықаралық жарыстарда жеткен жетістіктері туралы құжаттар, фотосуреттер көрсетілді. Сонымен қатар, көрмені Қазақ спорт және туризм академиясы музейінің бірегей экспонаттары толықтырды. Атап айтсақ 1936-1959 жж. Олимпиада ойындарының алғашқы құрмет грамоталары, халықаралық жарыстардың медальдары мен кубоктары, Ж. Үшкемпіровтің спорттық киімі, С. Қонақбаевтің бокстық қолғабы жане т. б.
Дөңгелек үстелді ҚР Президенті Архивінің директоры Б.Ә. Жапаров ашты. Жәнеде Ж. Үшкемпіров, А. Жіткеев сынды белгілі Олимпиада чемпиондары, спортшылар, спорт құрылымдарының басшылары, ардагерлері, журналистері, мемлекеттік архивтер мен мұражайлар қызметкерлері, Қазақ спорт және туризм академиясының студенттері қатысты.
Дөңгелек үстел қатысушыларының назарына ЦГА КФДЗ қорынан алынған Қазақстан спорты тарихы туралы деректі фильм ұсынылды.