2017 ж. 19-20 қазанында ОМҒТҚА қызметкерлері ҚР Мәдениет және спорт министрлігі Архив ісі және құжаттама департаменті, Қазақстан Республикасы Президентінің Архиві, Алматы қаласы Мәдениет және архивтер басқармасы, Алматы қаласы Орталық мемлекеттік архиві ұйымдастырған ІІ Республикалық жас архивистер байқауына қатысты. Іс-шара Алматы қ. ОМА кіші залында екінші күні үлкен конференц залында өткізілді. Байқауға республикалық, қалалық, облыстық архивтерден 35 жасқа дейінгі мамандарынан құрылған 12 команда келды.
Байқаудың басты мақсаты жас мамандардың арасында кәсіби қарым-қатынас орнату, сонымен қатар архив ісі бойынша біліктілігін арттыру, жас мамандардың шығармашылық белсенділігін көтермелеу және архивші мамандығының беделін көтеру болып табылады.
Байқаудың бірінші күні архивистер арасында заңнамалар мен архив ісінің біліктілігін тексеру мақсатында тестілеуі өткізілді. Келесі күні командалар сәлемдесуі мен үй тапсырмасын көрсетті, бұл турда архивистер 10 минутта команда жас архившілердің сан қырлы өнерін көрсету арқылы өз архивінің өзекті мәселелері мен даму болашағын креативті түрде ашты. ОМҒТҚ архивінен байқауға қатысқан мамандар: Тұрсыналиева Асель, Бейсембаева Меруерт, Тлеужан Еңлік және Еркенова Әйгерім.
Соңында командалар тиісті номинациялар мен орандарға ие болып сыйлықтармен және грамоталармен марапатталды.