ОМҒТҚ архивінің директор м.а. Т.Н. Тойбаев және қызметкерлері Ә.Қ. Еркенова және Ж.А. Каламбаева 2017 жылдың 10 қарашасында Қазақстан Республикасының Орталық мемлекеттік музейінде Қазақстан Республикасының Тұңғыш Президенті – Елбасы Кітапханасының «Н. Назарбаев: дәуір, тұлға, қоғам» көшпелі көрме жобасының ашылу салтанатына қатысты
Көрменің ашылу салтанатында алғашқы сөз кезегі ҚР Президенті кеңсесінің бастығы – ҚР Тұңғыш Президенті – Елбасы кітапханасы директоры м.а. Махмұт Қасымбековке берілді, сонымен қатар құттықтау сөзін айтқандар ҚР Мәдениет және спорт министрі Арыстанбек Мұхамедиұлы, Алматы қ. әкімі Бауыржан Байбек.
Елбасы Кітапханасының жобасы оңтүстік астанамыздағы көпшіліктің назарына ұсынылады. Жобаның негізін Елбасы Кітапханасының қор жинақтарынан құралған «Н. Назарбаев: дәуір, тұлға, қоғам» көшпелі қор көрмесі құрды.
Көрменің негізгі мақсаты Қазақстан Республикасының Тұңғыш Президенті – Елбасының Тәуелсіз Қазақстанның тарихи өміріндегі рөлін жүйелі түрде кеңінен көрсету.
Көрермендер назарына Елбасы Кітапханасының архив, кітапхана, музей қорларының материалдары ұсынылды: Н. Ә. Назарбаевтың жоғары мемлекеттік наградаларының бірегей жинағы, Құрандар кітабының жинағы, мемлекет басшылары және қазақстандық авторлар тарту еткен қолтаңбасы бар кітаптар, Н. Ә. Назарбаевтың шет тілдеріне аударылған еңбектері.
Сонымен қатар іс-шараға Алматы қ. архивтерінің директорлары мен қызметкерлері, БАҚ өкілдері және ЖОО-ның мұғалімдері мен студенттері қатысты.