2018 ж. 28 қарашасында Алматы қ. Архив қалашығының мәжіліс залында Елбасы Н.Ә. Назарбаевтың «Ұлы даланың жеті қыры» мақаласы мен «Архив - 2025» жеті жылдық бағдарламасының алғы шарттары және оны жүзеге асыру жұмыстарын талқылау мәселелері Дөңгелек үстел аясында жүзеге асты.
Алғашқы сөз кезегі ОМ КФДЖА директоры Т.Н. Тойбаевқа берілді. Келесі сөз кезегі ҚР Мәдениет және спорт министірлігінің архив ісі және құжаттама департаментінің Ақпараттық қызмет және мемлекеттік бақылау басқармасының басшысы А.С. Токтаровқа берілді. Бұл бағдарламалық құжаттың талқылауына ҚР ОМҒТҚА қызметкері Н. Тұрсынбек қатысты.
Қазақстандық және ресейлік архивтердің бірлескен іс-шаралар Жоспарын жүзеге асыру аясында ҚР ОМ КФДЖА «Түрксіб – бірінші бесжылдықтың ұлы құрылысы» сурет көрмесін ұйымдастырды. Көрмеде ОМ КФДЖА, Ресейдің мемлекеттік кинфотоқұжаттар архиві мен Самара қ. Ресей мемлекеттік архивтерінің қорларынан іріктеліп алынған фотоқұжаттар келушілердің назарына ұсынылды. ҚР ОМ КФДЖА директор орынбасары С.А. Сатаева «Аудиовизуальные документы НАФ РК в контексте сохранения и изучения наследия Великой степи в глобальной истории» атты баяндамасын оқыды. Қатысушылардың назарына ҚР ОМ КФДЖА қорынан алынған «Түрксіб – бірінші бесжылдықтың ұлы құрылысы» атты деректі фильм ұсынылды.
Сондай ақ құжаттық көрмеге тақырыпқа сәйкес ақпараты бар ҚР ОМҒТҚА анықтамалық-ақпараттық қорынан алынған 1920-1930 жж. газеттер қойылды.
Дөңгелек үстелдің жұмысына және сурет көрмесінің ашылуына ҚР Президенті архивінің, ҚР ОМА, ҚР ОМҒТҚА, Алматы қ. ОМА, Алматы облысының мемлекеттік архивінің, Қырғызстан Республикасының кинодыбыс және фотоқұжаттар ОМА өкілдері және зерттеушілер, тарихшылар мен архивистер қатысты.