2018 ж. 7 желтоқсанында Архив қалашығының мәжіліс залында ОМҒТҚА және ОМ КФДЖ архивінің қызметкерлері «Нур-Авиценум» (Талдықорған қ.) Медицина орталығының директоры Владимир Антонович Крайсманмен кездесуі өтті.
Владимир Антонович Ақтөбе қ. Мемлекеттік медицина университетінде оқу барысында медицина ғылымының докторы Х.Е. Мамановадан тәлім алған, студенттік кездеріндегі естеліктерімен бөлісті. Сонымен қатар, ол басқарып отырған медицина орталығы қандай жұмыс атқарып жатқандығын айтып берді.
ОМҒТҚА директоры Б.А. Жұматаева кездесудің қонағына архив қызметінің негізгі бағыттарымен таныстырып өтті. Нақтырақ айтқанда ОМҒТҚА архивіне мемлекеттік сақтауға қабылданған жеке тектік қор құжаттарымен жұмыс жасау тәжірибесімен бөлісіп, жеке тектік қор құжаттары негізінде құжаттар жинақтарын жариялау жұмыстары туралы айтып өтті. Сондай-ақ, В.А. Крайсманға ОМҒТҚА қор құрушысы болуға шақырды.
Кездесуден естелік ретінде архивистер потенциалды қор құрушыға ОМҒТҚА қорлары бойынша жолсілтер және Қазақстанның онкология қызметінің құрушысы С.Н. Нұғмановтың құжаттары негізінде жарияланған «Опередивший время» атты құжаттар жинағын сыйға тартты.