2019 ж. 29 наурызында Орталық мемлекеттік ғылыми-техникалық құжаттама архивінің қызметкерлері әл-Фараби атындағы Қазақ Ұлттық университетінің Тарих, археология және этнология факультетінің «Мұрағаттану, құжаттану және құжаттармен қамтамасыз ету» мамандығының 4 курс студенттері мен 2 курс магистранттарының және осы жоо мұғалімдерінің қатысуымен өткен тарих ғылымдарының кандидаты Болат Тәжібайұлы Жанаевпен ивент ұйымдастырды.
Ивент қатысушылары 2018 жылғы 5 қазандағы Ұлт көшбасшысы Н.Назарбаевтың «Қазақстандықтардың әл-ауқатының өсуі: табыс пен тұрмыс сапасын арттыру» жолдауын талқылады. Сонымен қатар, архив директоры Б. Жұматаева өз баяндамасында Елбасының «Ұлы даланың жеті қыры» мақаласында тұжырымдалған «Архив-2025» жеті жылдық бағдарламасында белгіленген архив саласының даму перспективалары туралы айтып өтті.