2019 ж. 14 қазанында ОМҒТҚА қызметкерлері Ж. Қаламбаева және Л. Ануарханова ҚР Мемлекеттік орталық музейі Польша Республикасының Алматы қаласындағы Бас консулдығымен көп жылдық ынтымақтастық аясында Екінші Дүниежүзілік соғыстың 80 жылдығына орай «Күрес және қайғы. Екінші Дүниежүзілік соғыс кезінде поляк азаматтары» атты фотокөрменің ашылуына қатысты.
«Күрес және қайғы. Екінші Дүниежүзілік соғыс кезінде поляк азаматтары» фотокөрмесінде Польша аумағындағы екінші дүниежүзілік соғыс оқиғалары, сол кезеңнің қасіреті мен қайғысы көрсетіледі. Көрменің құрылымы тақырыптық-хронологиялық ретпен көрсетілген, бұл келушілерге Польшаның Екінші дүниежүзілік соғыста көрген қасіретімен барынша толық танысуға мүмкіндік береді. Екінші дүниежүзілік соғыстың 80 жылдығына арналған аталмыш көрменің мақсаты соғыстың салдары туралы айтып, болған қасірет туралы еске түсіру болып табылады.
«Күрес және қайғы. Екінші Дүниежүзілік соғыс кезінде поляк азаматтары» атты фотокөрме жаһандық ауқымдағы халықаралық акция болып табылады, аталмыш көрмені Польша Республикасының Сыртқы істер министрлігі мен Гданьск қ. Екінші дүниежүзілік соғыс музейі әлемнің 62 елінде бірлесіп жүзеге асырады.