2020 ж. 27-28 тамызында Орталық мемлекеттік ғылыми-техникалық құжаттама архивінде Нұр-Сұлтан қ. мемлекеттік архивінің мамандары: директордың орынбасары А.Х. Молдабекова, архив қызметінің басшысы- бас қор сақтаушысы А.М. Қайыпжанова, ведомстволық архивтерді жинақтау қызметінің басшысы Г.С. Кұлмухамбетова тағлымдамадан өтті.
ОМҒТҚА қызметкерлері астаналық әріптестеріне ғылыми-зерттеу және жобалау-сметалық құжаттамамен жұмыс бойынша толық кеңес беріп және әдістемелік көмек көрсетті. Архивістердің әңгімелері барысында жобалық және ғылыми-зерттеу ұйымдарының құжаттарын жинақтау, ғылыми-техникалық өңдеу және құндылығына сараптама жасаудың өзекті мәселелері талқыланды. Сондай-ақ, қонақтар үшін екі тақырыптық экскурсия өткізілді: «ОМҒТҚА басылымдары мен жарияланымдары», «ОМҒТҚА тарихы».
Астаналық әріптестерге естелік үшін құжаттар мен материалдар жинақтары сыйға берілді: «Халида Маманова», «Жадымыздан өше бастаған және жаңа туған есімдерді ғылымның сан тараулы саласынан іздестіру. Қазақстан: 1960-2000 жж.» Халықаралық ғылыми-тәжірибелік конференция материалдары. Нұр - Сұлтан қ., 2019 ж. 4 қазаны», «Азаматтығы асқақ ғалым. Учёный. Гражданин. Патриот».
Тағылымдама аяқталғаннан кейін қонақтар ОМҒТҚА директоры Б.Жұматаеваға жылы шырайлы қабылдағаны үшін алғыстарын білдірді.