2022 ж. 25 ақпанында Орталық мемлекеттік ғылыми-техникалық құжаттама архивіне Алматы көпсалалы колледжінен өндірістік тәжірибеден өтуге келген студенттер Қазақстан Республикасының Орталық Мемлекеттік Музейінде өткен «БАЛАЛЫҚ ШАҚ – ПАТШАЛЫҚ ТАҚ» атты көрмесінің ашылуына қатысты.
Көрменің мақсаты – балалар этнографиясын өзектендіру, тәрбиелеу үрдісі үстінде балалардың танымдық қасиеттері мен адамгершілік нормаларын, ерекше қабілеттерін аша отырып, этномәдениетті сіңіруарқылы жан-жақты дамыту, тәжірбиеде қолдану. Ғасырлар бойы қалыптасқан ұлттық тәлім-тәрбиенің белгілі жүйесінде жасбуын жадына біртіндеп сіңіріп отыратын арнаулы жолдар, тиісті тәсілдерді қолдану.
«БАЛАЛЫҚ ШАҚ – ПАТШАЛЫҚ ТАҚ» көрмесінен ХІХ-ХХ ғғ. қамтитын сирек кездесетін балалардың фотосуреттері, бағалы этномәдениеттің қайнар көзі - ұлттық құндылық болып саналатын бала киімінің үлгілері, әшекейлері, «ойыншықтар әлемі», бала күтімінде қолданылатын заттары, қазақ мәдениетінің ерекшеліктерін, дәстүрлі өмір салтының отбасылық тұрмыс-тіршілігін бейнелейтін көріністерді тамашалауға болады.