2022 ж. 3 наурызында Орталық мемлекеттік ғылыми-техникалық құжаттама архивіне Әл-Фараби атындағы Қазақ Ұлттық университетінен өндірістік тәжірибеден өтуге келген студенттер Қазақстан Республикасының Орталық Мемлекеттік Музейінде Халықаралық әйелдер күніне арналған «ӘЙЕЛ ӘЛЕМІ» КӨРМЕ-ФЕСТИВАЛІНІҢ ашылуына қатысты.
Әйел - отбасының ұйытқысы, ол отбасында ғана емес, жалпы қоғамда да бейбітшілік пен тыныштықтың шырақшысы саналады.
«ӘЙЕЛ ӘЛЕМІ» көрме-фестивалі: әйел – үй иесі, әйел – ана, әйел – батыр, әйел – көшбасшы, қолөнерші әйел, сондай-ақ қазіргі қоғамдағы әйелдердің рөлін көрсетуге және әйелдер әлемін ашуға арналған.
Көрмеде 60-тан астам өнер туындылары қойылды.
ФЕСТИВАЛЬ БАҒДАРЛАМАСЫНДА:
- көрменің ресми ашылуы және қатысушы суретшілердің қойылымдары;
- музыкалық қойылымдар;
- қолөнер, сәндік-қолданбалы өнер бойынша шеберлік сабақтары;
- Қазақстан шеберлерінің әйелдер киім топтамаларының дефиле шоуы.

«ӘЙЕЛ ӘЛЕМІ» көрмесі 2022 жылдың 16 наурызына дейін жалғасады.