2022 жылдың 20 мамырында Алматы қаласында "Жобалық құжаттама: теория және тәжірибе" атты Халықаралық ғылыми-тәжірибелік конференция өтті.
Конференцияны ұйымдастырушы Қазақстан Республикасы Мәдениет және спорт министрлігі Архив істері және құжаттаманы басқару комитетінің Орталық мемлекеттік ғылыми-техникалық құжаттама архиві.
Конференцияда ғылыми-техникалық құжаттардың бір түрі болып табылатын жобалық құжаттаманы құру, оның сақталуын қамтамасыз етуге және практикалық қызметте, сондай-ақ тарихи-ғылыми және танымдық мақсаттарда пайдалануға қатысты мәселелердің кең спектрі талқыланды.
Осы тақырып бойынша іс-шараларды өткізу ҚР ОМҒТҚА-і үшін дәстүрге айналып келеді. Мұндай алғашқы іс – шара - "Мемлекеттік архивтердегі ғылыми – техникалық құжаттама" атты халықаралық конференция мен республикалық семинар - Ресей Федерациясы мен Беларусь Республикасындағы әріптестеріміздің қатысуымен 2016 жылы Алматыда өткізілді. 2020 жылы "ғылыми-техникалық құжаттама: дәстүрлі және инновациялық жұмыс түрлері" тақырыбында халықаралық семинар өтті. Оған біздің ресейлік әріптестеріміз де қатысты.
Аталған конференцияға қазақстандық архившылармен қатар Ресей Федерациясының архившілері, Бүкілресейлік құжаттану және архив ісі ғылыми-зерттеу институты (Мәскеу қ.), Ресей мемлекеттік ғылыми-техникалық құжаттама архиві (Мәскеу қ.), Самара қ. Ресей мемлекеттік архиві, сондай-ақ қазақстандық жобалау ұйымдарының мамандары, тиісті оқу орындарының оқытушылары мен студенттері қатысты.
Конференция аралас режимде (онлайн және офлайн) өтті.
Конференция ҚР ОМҒТҚА директоры Б.А. Жұматаеваның ашылу сөзімен басталды. Содан соң Қазақстан Республикасы Мәдениет және спорт министрлігі Архив істері және құжаттаманы басқару комитеті төрағасының орынбасары Г.Е. Қарсақбаева конференцияға қатысушыларды құттықтап, сөз сөйледі.
Одан ары қарай ҚР ОМҒТҚА ҰАҚ жинақтау және ведомстволық архивтер бөлімінің архивисі И.Қ. Ерғалиева, ҚР ОМҒТҚА директоры Б.А. Жұматаева, ҚР ОМҒТҚА ҰАҚ жинақтау және ведомстволық архивтер бөлімінің басшысы Т.С. Жанайдарова, ҚР ОМҒТҚА Ақпарат және құжаттарды пайдалану бөлімінің басшысы А.А. Смағұлова, ҚР ОМҒТҚА бас сарапшысы В.Е. Печерских, ҚР ОМҒТҚА Ақпараттық технологиялар және цифрландыру бөлімімінің архивисі Т.П. Исакова, ҚР ОМҒТҚА Ақпарат және құжаттарды пайдалану бөлімінің архивисі И. Аділбек, Т.Қ. Жүргенов атындағы ҚазҰӨА профессоры М.З. Мусаханова, Бүкілресейлік құжаттану және архив ісі ғылыми-зерттеу институтының (ВНИИДАД) директоры П.А. Кюнг, Самара қаласындағы (РФ) Ресей Мемлекеттік архиві директорының орынбасары О.Н. Солдатова, «KAZGOR» жобалау академиясының BIM дамыту бойынша жетекші маманы А. Жаманқұлов, «Казтрансойл» АҚ архивариусы А.Б. Ахметова, «TAU Development» ЖШС архивариусы В.Ф. Рудняева, Қарағанды облысының ғылыми-техникалық құжаттама жөніндегі мемлекеттік архивінің директоры Т.Т. Аршабеков, осы архивтің архивисі Н.Б. Оралбаева және Қызылорда облысы мемлекеттік архивінің директоры Ж.А. Абзалиева қатарлылар баяндама жасады.
ҚР ОМҒТҚА директоры Б.А. Жұматаева конференцияны қортындылады. Конференцияға офлайн форматта барлығы 56 адам, онлайн форматта 24 адам қатысты.
Конференцияны дайындауға және өткізуге белсене қатысқандардың барлығы алғыс хаттармен марапатталды.
Соңында конференцияға қатысушылардың барлығы аталмыш іс-шараның жоғары деңгейде ұйымдастырылғанын атап өтіп, алдағы уақытта осындай конференцияларды жиі өткізіп тұруға ниет білдірді.