2022 жылғы 8-9 қыркүйекте Қазақстан Республикасы Орталық мемлекеттік ғылыми-техникалық құжаттама архивінде Қазақстан Республикасы Ұлттық архивінің қызметкерлері үшін «Электрондық архив және іс жүргізу» оқыту семинары өтті.
Орталық мемлекеттік ғылыми-техникалық құжаттама архиві қызметкерлері ОМҒТҚА құжаттарының құрамы мен мазмұны, ғылыми-техникалық құжаттаманың құндылығы мен ғылыми-техникалық өңделуіне сараптама жасау, құжаттарды сақтау, құжаттардың бірыңғай электрондық архивін құру және оны жүзеге асыру мәселелері, ЭЦҚ пайдалану тәртібі, Қазақстан Республикасы Ұлттық архив қоры құжаттарын пайдалану бойынша жұмыстың негізгі бағыттары, анықтамалық-ақпараттық басылымдар туралы айтып өтті.
Бүгінгі таңда архив ісіндегі өзекті тақырыптардың бірі саналатын архивтік құжаттарды цифрландыру бойынша қызықты ақпарат ұсынылды. Өйткені бұл үрдіс түпнұсқа құжаттың сақталуы мен электронды ақпараттық ресурсты қалыптастыруды қамтамасыз етері сөзсіз. Жоғары ажыратымдылық сипаттамалары бар сканерлермен жұмыс және құжаттарды шаңнан тазарту процесін практикалық түрде көрсетті.
Сондай-ақ елордалық әріптестерге Қазақстан Республикасы Орталық мемлекеттік ғылыми-техникалық құжаттама архивіне бейнеэкскурсия, «Электрондық архивке мәліметтерді енгізу», «Цифрландыру процесінің ерекшеліктері» тақырыбында бейне шолу ұйымдастырылды.
Семинар жұмысының нәтижесінде Қазақстан Республикасы Ұлттық архивінің қызметкерлеріне сертификаттар табыс етілді.