2022 жылғы 13-14 қыркүйекте Қазақстан Республикасы Ұлттық архивінің қызметкерлері тәжірибе алмасу және «Электрондық архив және іс жүргізу» оқыту семинарына қатысу үшін Қазақстан Республикасы Орталық мемлекеттік ғылыми-техникалық құжаттама архивінде болды. Қазақстан Республикасы Ұлттық архиві басшылығы тарапынан семинарды өткізу ұсынысы ОМҒТҚА қызметкерлері Нұр-Сұлтан қаласындағы Мемлекеттік және ведомстволық архивтер қызметкерлерінің біліктілігін арттыру орталығында өткізген «Ғылыми-техникалық құжаттамаларды жинақтау, сақтау және пайдалану» тақырыбындағы семинар-кеңесі барысында айтылған.
Орталық мемлекеттік ғылыми-техникалық құжаттама архиві қызметкерлері ОМҒТҚА құжаттарының құрамы мен мазмұны, ғылыми-техникалық құжаттаманың құндылығы мен өңделуіне сараптама жүргізу, құжаттарды сақтау ерекшеліктері, құжаттардың бірыңғай электрондық архивін енгізу мәселелері және Қазақстан Республикасы Ұлттық архив қорының құжаттарын пайдалану бойынша жұмыстың негізгі бағыттары жөнінде айтып өтті. ҚР ҰАҚ толықтыру және ведомстволық архивтер бөлімі қызметкерлері семинарға қатысушыларға ғылыми-техникалық құжаттама түрлері бойынша ақпарат ұсынды. Олар ғылыми-техникалық құжаттаманың әрбір түріне нақты тоқталып өтті: ғылыми-зерттеу, жобалық, конструкторлық, технологиялық және патенттік-лицензиялық. Баяндамалар танымдық слайдтармен сүйемелденді. Архив қоймаларында қызметкерлер өте қызықты экскурсия жүргізді, Алматыдағы әйгілі спорт нысандарының бірі – «Медеу» спорт кешенінің жобалық құжаттары бар фотоальбомдармен таныстырды. Мекеменің бас сарапшысы Алматы қаласындағы мәдени, спорттық, әкімшілік ғимараттарды жобалау бойынша жарияланған архивтік құжаттар жинақтарына тоқталды.
Ақпараттық технологиялар және цифрландыру бөлімінің қызметкерлері құжаттың түпнұсқасының сақталуын және электронды ақпараттық ресурсты қалыптастыруды қамтамасыз ететін архив құжаттарын цифрландыру туралы айтты. Олар жоғары ажыратымдылық сипаттамалары бар сканерлермен жұмысты және құжаттарды шаңнан тазарту процесін көрсетті. Қазақстан Республикасының Орталық мемлекеттік ғылыми-техникалық құжаттама архивіне экскурсия ұйымдастырылды.
Семинар қатысушыларына сертификаттар табыс етілді.