2015 жылдың 4 қарашасында ОМҒТҚМ басшыларының апалы-сіңілі Жамиля (м.ғ.д., профессор, Қазақ Ұлттық медициналық университетінде инфекциялық саулықты бақылау бөлімі бастығы) және Дамиля (м.ғ.д., профессор, Қазақстанның жанұялық дәрігерлер Ассоциациясы президенті) Нұғмановалармен кездесуі өтті. Олардың әкелері, Сәкен Нұғманұлы Қазақ онкология және радиология Ғылыми Зерттеу Институтының және медицинаның осы бағыты бойынша Қазақстандағы емдік және ұйымдастыру-әдістмелік орталықтың алғашқы директоры және негізін қалаушы болды.
1968 ж. 10 шілдеде С.Н. Нұғмановқа берілген өндірістік сипаттамадан: «соңғы 15-20 жылда Қазақ республикасында ісікке қарсы күресті ұйымдастыруда (ғылыми және әдістемелік кадрлар дайындау, онкологиялық мекемелер желісін өрістету, қатерлі ісікті емдеу және алдын алу диагностикасының жаңа әдістемесін енгізу, жаңа диагностикалық және емдік құрылғылармен қамтамсыз ету, материалдық-техникалық база құру, практикалық дәрігерлерді ғылыми-зерттеу жұмыстарына тарту және т.б.) доцент С.Н. Нұғмановтың сіңірген еңбегі өте зор. Ол ісікке қарсы іс шараларды жүргізуге және қатерлі ісіктің таралу ерекшеліктерін зерттеуге бағытталған, республиканың шалғай аудандарына 39 ғылыми-техникалық экспедициясын ұйымдастырушысы және қатысушысы». Кездесуде дәрігер және ғалым Нұғмановтың келе жатқан 100-жылдық мерейтойына байланысты оның жеке қорын ОМҒТҚМ-ға мемлекеттік сақтауға өткізуді дайындау туралы мәселе талқыланды.